୨୭ ଲକ୍ଷ ଟଙ୍କାର ଧଳା ଜହର ଜବତ୍ ଚା' ଦୋକାନରେ ବିକ୍ରି ହେଉଥିଲା ଧଳା ଜହର ବା ବ୍ରାଉନସୁଗାର ; ଦୋକାନୀ ସମେତ ୨ ଜଣ ଗିରଫ ।

 

17/03/2021

କଟକ 📌

Chief Reporter & Editor/- Srinibash Rout

ଚା' ଦୋକାନରୁ ବ୍ରାଉନସୁଗାର ଜବତ । କଟକ ମହାନଗର ନିଗମ ଗଳିକନ୍ଦିରେ କମିଶନରେଟ୍ ପୋଲିସ୍ ଚଢ଼ାଉ ଜାରି ରଖିଛି । ନିଶା କାରବାର ଅଭିଯୋଗ ଆସିଲେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଯାହା ଫଳରେ ନିଶା ବିକ୍ରି କରୁଥିବା ବେପାରୀ ସହିତ ନିଶା ସେବନ କରୁଥିବା ନିଶାଡି ମାନଙ୍କ ଉତ୍ପାତ କିଛି ଦିନ ହେବ ଦେଖିବାକୁ ମିଳୁନଥିଲା । କିନ୍ତୁ ମଙ୍ଗଳବାର (୧୬/୦୩/୨୦୨୧) ହଠାତ୍ ଏକ ବିଶେଷ 

ସୂତ୍ରରୁ ଖବର ପହଞ୍ଚିଥିଲା କମିଶନରେଟ୍ ପୋଲିସ୍ ପାଖରେ ଚା' ଦୋକାନରେ ବିକ୍ରି ହେଉଛି ବ୍ରାଉନସୁଗାର ।କଟକ D.C.P କାଳ ବିଳମ୍ବ ନକରି ଏକ ସ୍ବତନ୍ତ୍ର ଟିମ୍ ଗଠନ କରି କଟକ ଜିଲ୍ଲା ଜଗତପୁର ଥାନ ପୋଲିସ୍ ସହାୟତାରେ ଅଞ୍ଚଳରେ ଥିବା ଚା ଦୋକାନ ଉପରେ ଚଢ଼ାଉ କରିଥିଲେ । ଏହି ଚଢାଉ ସମୟରେ ୨୭୦ ଗ୍ରାମର ବ୍ରାଉନସୁଗାର ଜବତ ହୋଇଥିବା ବେଳେ ଦୁଇଜଣ  ଅପରାଧି ଙ୍କୁ ଗିରଫ କରାଯାଇଛି । ଯେଉଁ ବ୍ରାଉନସୁଗାର ଜବତ କରାଯାଇଛି ତାହାର ଆନୁମାନିକ ମୂଲ୍ୟ ୨୭ ଲକ୍ଷ୍ୟ ଟଙ୍କାରୁ ଅଧିକ ହେବ ବୋଲି ଜଣାପଡିଛି ।

www. socialnewsodia.info