ଛାତ୍ରୀଙ୍କୁ ଅପହରଣ ଥାନାରେ ଅଭିଯୋଗ; କ୍ଷୀର ଆଣିବାକୁ ଯାଇ ନିଖୋଜ, ୩୬ ଘଣ୍ଟା ପରେ ବି ମିଳୁନି ପତ୍ତା । ପୋଲିସ ଘଟଣାକୁ ଗୁରୁତ୍ବ ସହ ନେଇ କରୁଛି ଛାନଭିନ୍ ।

 

23/03/2021

ଭୁବନେଶ୍ୱର 📌

Editor by/- Srinibash Rout

ରମାଦେବୀ ମହିଳା ମହାବିଦ୍ୟାଳୟର ଯୁକ୍ତ-୩ ପ୍ରଥମ ବର୍ଷର ଛାତ୍ରୀ ନିଖୋଜ ।ଛାତ୍ରୀ ଜଣଙ୍କ ଭରତପୁର ଥାନା ଅନ୍ତର୍ଗତ ଜଗନ୍ନାଥ ବିହାରରେ ସପରିବାର ରହୁଛନ୍ତି । ଗତକାଲି ଅର୍ଥାତ୍ ସୋମବାର (୨୨/୦୩/୨୦୨୧) ଅପରାହ୍ନରେ ଘର ଠାରୁ କିଛି ଦୂରରେ ଥିବା ଓମ୍‌ଫେଡ୍‌ ବୁଥକୁ କ୍ଷୀର ଆଣିବାକୁ ଯାଇଥିଲେ । କିନ୍ତୁ ଆଉ ଫେରି ନଥିଲେ ।ଦୀର୍ଘ ସମୟ ପର୍ଯ୍ୟନ୍ତ ସେ ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ । ତାଙ୍କୁ ନ ପାଇ ଗତକାଲି ସୋମବାର (୨୨/୦୩/୨୦୨୧) ରାତି ୧୦ଟାରେ ଭରତପୁର ଥାନାରେ ପହଞ୍ଚି ଅପହରଣ ଅଭିଯୋଗ କରିଛନ୍ତି । ପୋଲିସ କାଳ ବିଳମ୍ବ ନକରି ଏକ ମାମଲା ରୁଜୁ କରି ତଦନ୍ତ ଚଳାଇଛି ।୨ଟି ସ୍ୱତନ୍ତ୍ର ସ୍କ୍ୱାଡ୍‌ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ଉ କରାଯାଉଛି ।ଛାତ୍ରୀ ଜଣଙ୍କ ନାବାଳିକା ହୋଇଥିବାରୁ ପୋଲିସ ମାମଲାକୁ ଗମ୍ଭୀରତାର ସହ ନେଇ ବିଭିନ୍ନ ସ୍ଥାନରେ ଖୋଜାଖୋଜି ଚଳାଇଛି । ଛାତ୍ରୀଙ୍କ ପରିବାର ଲୋକଙ୍କ ଅଭିଯୋଗକୁ ଭିତ୍ତି କରି ଜଣେ ପୁରୁଷବନ୍ଧୁଙ୍କ ପରିବାର ଲୋକଙ୍କୁ ପୁଲିସ ଥାନାକୁ ଡକାଇ ପଚରାଉଚରା କରିଥିବା ଜଣାପଡ଼ିଛି । ସୂଚନା ଦେଲେ ଭୁବନେଶ୍ୱର D.C.P ଉମାଶଙ୍କର ଦାଶ ।

www. socialnewsodia.info