----------------------------------

                  *ପ୍ରଦୀପ ନାୟକ


ରାସ୍ତାର ଧାରରେ ରଙ୍ଗନଟୀର

           ରଙ୍ଗବୋଳା ନିମନ୍ତ୍ରଣ

ନିଦା ନିଦାଘର ନାନାବାୟା ଗାଇ

           ବିକୁଚ ପ୍ରେମର ରାଣ ।


କୃଷ୍ଣଚୂଡ଼ା ଗୋ କାହା ଓଠଧାରୁ

            ଉଧାର ଆଣିଚ ନାଲି

ଖରା ଖରାବେଳେ ଯୈ।ବନ ଦୋଳିରେ

         ଖେଳୁଚ ରଙ୍ଗର ହୋଲି ।


ରାତି ଶୁଏ ନାହିଁ ତୁମ ରତିରଙ୍ଗେ

          ଚଲାମେଘ ଚାହେଁ ହସି

ପାଚିଲା ଋତୁରେ ପସରାରେ ତମ

         ପ୍ରଣୟ ବଉଳ କଷି ।


ଋତୁମତୀ ରଙ୍ଗ ବୁହାଇ ଦେଇଚ

             ପାଦପ ପାଦ ତଳରେ

କୃଷ୍ଣ ହେଉ ଅବା କୃଶବିଦ୍ଧ ହେଉ

             ଭାସିଯିବ ସେ ଲାଲିରେ ।

-----------------------------------

ବନ୍ଧପଡା, ମଦନପୁର, କେନ୍ଦ୍ରାପଡ଼ା।ଫୋନ:୮୯୧୭୩୭୦୨୨୭