ମାର୍ଚ୍ଚ ୨୮,୨୯ରେ ଭାରତ ବନ୍ଦ୍; କେନ୍ଦ୍ର ସରକାରଙ୍କ କୃଷକ, ଶ୍ରମିକ ଓ ସାଧାରଣ ଜନତା ବିରୋଧୀ ନୀତି ପ୍ରତିବାଦରେ କେନ୍ଦ୍ରୀୟ ଟ୍ରେଡ୍ ୟୁନିୟନଗୁଡ଼ିକ ଆସନ୍ତା ୨୮ ଓ ୨୯ ତାରିଖରେ ଭାରତ ବନ୍ଦ୍ ଡ଼ାକରା ଦେଇଛନ୍ତି - ୨ ଦିନ ପାଇଁ ଅନ୍ଧାରରେ ରହିପାରନ୍ତି ଦେଶବାସୀ ।

 

25-MARCH-2022

📌

BY: SRINIBASH ROUT

କେନ୍ଦ୍ର ସରକାରଙ୍କ ଘରୋଇକରଣ ନୀତିକୁ ବିରୋଧ କରି ବିଦ୍ୟୁତ୍ କ୍ଷେତ୍ରର କର୍ମଚାରୀମାନେ ମାର୍ଚ୍ଚ ୨୮ ଓ ୨୯ ରେ ଧର୍ମଘଟ କରିବାକୁ ନିଷ୍ପତ୍ତି ନେଇଛନ୍ତି। ସେଥିପାଇଁ କୁହାଯାଉଛି ଯେ ଏହି ଦୁଇ ଦିନ ମଧ୍ୟରେ ସାରା ଦେଶରେ ବିଦ୍ୟୁତ୍ ସମସ୍ୟା ହୋଇପାରେ। 

ବିଦ୍ୟୁତ୍ କର୍ମଚାରୀଙ୍କ ସହିତ ସାରା ଦେଶରେ ଶ୍ରମିକ ସଂଗଠନର ଶ୍ରମିକମାନେ ମଧ୍ୟ ଦୁଇ ଦିନ ଧରି ଧର୍ମଘଟ କରିବେ। ଅଲ ଇଣ୍ଡିଆ ପାୱାର ଇଞ୍ଜିନିୟର୍ସ ଫେଡେରେଶନର ସଭାପତି ଶୈଲେନ୍ଦ୍ର ଦୁବେ କହିଛନ୍ତି ଯେ କେନ୍ଦ୍ର ସରକାରଙ୍କ ଘରୋଇକରଣ ନୀତିକୁ ବିରୋଧ କରି ସମସ୍ତ ରାଜ୍ୟର ବିଦ୍ୟୁତ୍ କର୍ମଚାରୀ ମଧ୍ୟ ଏହି ଧର୍ମଘଟରେ ଯୋଗଦେବେ।

କେନ୍ଦ୍ରର ଘରୋଇକରଣ ନୀତି ଯୋଗୁଁ କର୍ମଚାରୀଙ୍କ ମଧ୍ୟରେ ନିରାଶ ରହିଛି ବୋଲି ଶୈଲେନ୍ଦ୍ର ଦୁବେ କହିଛନ୍ତି। ବିଦ୍ୟୁତ୍ କର୍ମଚାରୀ ଓ ଇଞ୍ଜିନିୟରମାନଙ୍କର ମୁଖ୍ୟ ଦାବି ହେଉଛି ବିଦ୍ୟୁତ୍ (ସଂଶୋଧନ) ବିଲ୍ ୨୦୨୧ ପ୍ରତ୍ୟାହାର କରାଯିବା ଓ ସମସ୍ତ ପ୍ରକାର ଘରୋଇକରଣ ପ୍ରକ୍ରିୟା ବନ୍ଦ୍ କରାଯିବା ଉଚିତ୍। ଏହା ବ୍ୟତୀତ ୟୁନିଅନ୍ ଟେରିଟୋରୀଗୁଡିକରେ ବିଦ୍ୟୁତ୍ ଘରୋଇକରଣ କରିବାର ନିଷ୍ପତ୍ତିକୁ ତୁରନ୍ତ ବାତିଲ୍ କରନ୍ତୁ, ବିଶେଷକରି ଚଣ୍ଡିଗଡ଼, ଦାଦ୍ରା ନାଗର ହାଭେଲି, ଦାମନ୍ ଦିୟୁ ଏବଂ ପୁଡୁଚେରୀ। ବିଦ୍ୟୁତ୍ ବୋର୍ଡ଼ ବିଲୋପ ପରେ ନିଯୁକ୍ତ ସମସ୍ତ ବିଦ୍ୟୁତ୍ କର୍ମଚାରୀଙ୍କୁ ପୁରୁଣା ପେନ୍ସନ୍ ଯୋଜନାର ସୁବିଧା ଦିଆଯିବା ଉଚିତ୍।

ଏହି ବନ୍ଦ୍ ଡାକରାକୁ ବ୍ୟାଙ୍କ୍ ୟୁନିୟନଗୁଡ଼ିକ ସମର୍ଥନ କରୁଥିବାରୁ ଏହି ଦୁଇଦିନ ବ୍ୟାଙ୍କ୍ ବନ୍ଦ୍ ରହିବ । ଫଳରେ ବ୍ୟାଙ୍କଗୁଡ଼ିକ ଲଗାତାର ୪ ଦିନ ଅର୍ଥାତ୍ ଆସନ୍ତା ୨୬ ତାରିଖଠାରୁ ୨୯ ତାରିଖ ପର୍ଯ୍ୟନ୍ତ ବନ୍ଦ୍ ରହିବ ।ଆସନ୍ତା ୨୬ ତାରିଖ ମାସର ୪ର୍ଥ ଶନିବାର ଥିବାରୁ ବ୍ୟାଙ୍କ୍ ଛୁଟି ରହିବ ।ସେହିପରି ରବିବାର ସ୍ବାଭାବିକ ଭାବେ ବ୍ୟାଙ୍କ୍ ଛୁଟି ରହିଥାଏ ।ଏଣୁ ଏହାକୁ ମିଶାଇ ମୋଟ ୪ ଦିନ ଛୁଟି ରହିବ ।

www. socialnewsodiaofficial.blogspot.com