ଜାତୀୟ ଆଇନ୍ ବିଶ୍ବବିଦ୍ୟାଳୟରେ ଅଭାବନୀୟ ଘଟଣା; ହଷ୍ଟେଲ ରୁମରୁ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କଲା ପୋଲିସ - କଟକ ଜାତୀୟ ଆଇନ୍ ବିଶ୍ବବିଦ୍ୟାଳୟର ଦ୍ବିତୀୟ ବର୍ଷ ଆଇନ୍ ବିଭାଗର ଛାତ୍ରୀ ଥିଲେ ସୁରବୀ ପଞ୍ଚପାଲ।

 

06-APRIL-2022

📌

BY: SRINIBASH ROUT

କଟକର ଏକ ପ୍ରତିଷ୍ଠିତ ଶିକ୍ଷାନୁଷ୍ଠାନରୁ ମିଳିଲା ଛାତ୍ରୀଙ୍କ ମୃତଦେହ ।ହଷ୍ଟେଲ ରୁମରୁ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କଲା ପୋଲିସ। ମୃତ ଛାତ୍ରୀ ଜଣକ ଉତ୍ତରାଖଣ୍ଡର ସୁରବୀ ପଞ୍ଚପାଲ ବୋଲି ସୂଚନା ମିଳିଛି।  

କଟକ ଜାତୀୟ ଆଇନ୍ ବିଶ୍ବବିଦ୍ୟାଳୟର ଦ୍ବିତୀୟ ବର୍ଷ ଆଇନ୍ ବିଭାଗର ଛାତ୍ରୀ ଥିଲେ ସୁରବୀ ପଞ୍ଚପାଲ। ଖବର ଅନୁଯାୟୀ, ସୋମବାର ୦୪ ତାରିଖ ବିଳମ୍ବିତ ରାତିରେ ହଷ୍ଟେଲରୁ ଛାତ୍ରୀଙ୍କୁ ଝୁଲନ୍ତା ଅବସ୍ଥାରେ ଉଦ୍ଧାର ପରେ SCBକୁ ନିଆଯାଇଥିଲା ।ହେଲେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି ।ମୃତଦେହ ଜବତ ତଦନ୍ତ ଆରମ୍ଭ କରିଛି ପୋଲିସ ।

ମିଳିଥିବା ସୂଚନା ଅନୁଯାୟୀ ସୁରବୀ କିଛି ଦିନ ହେବ କ୍ଲାସରେ ଅନୁପସ୍ଥିତ ରହୁଥିଲେ।କଲେଜ୍ କର୍ତ୍ତୃପକ୍ଷଙ୍କ ସହ ଛାତ୍ରଛାତ୍ରୀଙ୍କ ମନମାଳିନ୍ୟ ଦେଖା ଯାଇଥିଲା। ଦୀର୍ଘ ଦିନ ଧରି ଏପରି ଅସନ୍ତୋଷ ମନଭାବ ଯୋଗୁଁ ଅନେକ ଛାତ୍ରଛାତ୍ରୀ ମାନସିକ ଚାପରେ ରହୁଥିଲେ। ଏହି କାରଣରୁ ଛାତ୍ରୀ ଜଣକ ଆତ୍ମହତ୍ୟା କରିଥାଇ ପାରନ୍ତି ବୋଲି ଚର୍ଚ୍ଚା ହେଉଛି। ଏପରି ଅଭାବନୀୟ ଘଟଣା ପାଇଁ ଆଇନ୍ ବିଶ୍ବବିଦ୍ୟାଳୟର କୁଳପତି ଓ କୁଳସଚିବଙ୍କୁ ଦାୟୀ କରିଛନ୍ତି ଛାତ୍ରଛାତ୍ରୀ। 

https://socialnewsodiaofficial.blogspot.com