ମାଓବାଦୀଙ୍କ ଲଙ୍କାକାଣ୍ଡ; ରାସ୍ତା କାମରେ ନିୟୋଜିତ ଥିବା ଟ୍ରଲି ଓ ଟ୍ରକ୍ ସମେତ ଅନ୍ୟ ସାମଗ୍ରୀ ମାଓବାଦୀ ଜାଳି ପୋଡ଼ି ଦେଇଥିବା ସୂଚନା ମିଳିଛି,ଏଥିସହ କ୍ୟାମ୍ପ ଗେଟ୍ ଠାରେ ଏକ ମାଓବାଦୀଙ୍କ ପୋଷ୍ଟର ଲାଗିଥିବା ମଧ୍ୟ ଦେଖିବାକୁ ମିଳିଛି

22-JANUARY-2022

📌

BY: SRINIBASH ROUT

ବାରମ୍ବାର କୁମ୍ବିଂ ଅପରେସନ୍ ଓ ଏନକାଉଣ୍ଟର୍ ପରେ ବି ସାବାଡ୍ ହେଉନାହାଁନ୍ତି ମାଓବାଦୀ । ପୁଣି ଶନିବାର ୨୧ ତାରିଖ ଛତିଶଗଡ଼ ବିଜାପୁର ଜିଲ୍ଲାରେ ଅଗ୍ନିକାଣ୍ଡ ଘଟାଇ ତାଣ୍ଡବ ରଚିଛନ୍ତି ସଶସ୍ତ୍ର ମାଓବାଦୀ ।ଶନିବାର ବିଜାପୁର ଜିଲ୍ଲା ଚେରିଖୁଣ୍ଟା ଗାଁରେ ଯବାନଙ୍କ କୁମ୍ବିଂ ଅପରେସନ୍‌କୁ ବିରୋଧ କରି ସଶସ୍ତ୍ର ମାଓବାଦୀ ତିନୋଟି ଗାଡିରେ ନିଆଁ ଲଗାଇ ଧ୍ୱଂସ କରିଥିଲେ ।ସେହିଭଳି ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନା ଅଧିନରେ ରାସ୍ତା ନିର୍ମାଣ କାମକୁ ମଧ୍ୟ ଦୃଢ ବିରୋଧ କରିଛି ଲାଲବାହିନୀ ।ସଡକ ନିର୍ମାଣରେ ନିୟୋଜିତ ଶ୍ରମିକଙ୍କୁ ଏତରଫା ରଖି ମାଓବାଦୀମାନେ ଗୋଟିଏ ଜେସିବି, ଗୋଟିଏ ମିକ୍ସର୍ ମେସିନ୍ ଓ ଗୋଟିଏ ଟ୍ରାକ୍ଟରରେ ନିଆଁ ଲଗାଇ ଦେଇଥିଲେ ।ପରିସ୍ଥିତି ତଦାରଖ କରିବା ସହ ସ୍ଥିତି ନିୟନ୍ତ୍ରଣ ପାଇଁ ସୁରକ୍ଷାକର୍ମୀଙ୍କର ଏକ ଟିମ୍ ଘଟଣାସ୍ଥଳକୁ ପଠାଯାଇଥିବା ସୂଚନା ଦେଇଛନ୍ତି ବିଜାପୁର ଏସ୍‌.ପି କମଳ ଲୋଚନ କାଶ୍ୟପ ।

www. socialnewsodiaofficial.blogspot.com