କଂଗ୍ରେସ ଭବନ ଉପରକୁ ବୋମା ମାଡ଼; ଗୋଷ୍ଠୀ କନ୍ଦଳକୁ ନେଇ ବିଳମ୍ବିତ ରାତିରେ କଂଗ୍ରେସ ଭବନ ଉପରକୁ ପେଟ୍ରୋଲ ବୋମା ଫିଙ୍ଗିବାକୁ ଚେଷ୍ଟା କରିଥିଲେ ଦୁର୍ବୃତ୍ତ କିନ୍ତୁ ବୋମାଟି ଗଛରେ ବାଜିଥିଲା ଫଳରେ ଗଛଟି ଜଳି ଯାଇଛି କିନ୍ତୁ କଂଗ୍ରେସ ଭବନର କୌଣସି କ୍ଷତି ହୋଇନାହିଁ।

 

09-JANUARY-2022

📌

BY: SRINIBASH ROUT

ରାଜଧାନୀ ଭୁବନେଶ୍ୱର ସ୍ଥିତ କଂଗ୍ରେସ ଭବନ ଉପରକୁ ଶନିବାର ୦୮ ତାରିଖ ବିଳମ୍ବିତ ରାତିରେ ହୋଇଛି ପେଟ୍ରୋଲ ବୋମା ମାଡ଼। ଗୋଷ୍ଠୀ କନ୍ଦଳକୁ ନେଇ ବିଳମ୍ବିତ ରାତିରେ କଂଗ୍ରେସ ଭବନ ଉପରକୁ ବୋମାମାଡ଼ ହୋଇଥିବା ଜଣାପଡ଼ିଛି ।ଦେଶର ସର୍ବପୁରାତନ ଦଳରେ ଗୋଷ୍ଠୀ କନ୍ଦଳ ଏକ ପ୍ରକାରାର ସାଧାରଣ କଥା ପାଲଟିଛି। କିନ୍ତୁ ବେଳେ ବେଳେ ଏହା ହିଂସାତ୍ମକ ରୂପ ମଧ୍ୟ ନେଇଥାଏ। ଶନିବାର ସନ୍ଧ୍ୟାରେ ଦୁର୍ଗା ମାଧବ ମହଲା ନାମକ ଜଣେ ଯୁବକକୁ କଂଗ୍ରେସ ଭବନ ସାମ୍ନାରେ ଆକ୍ରମଣ ହୋଇଥିଲା ।ଗୁରୁତର ଅବସ୍ଥାରେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା ।ଏହାପରେ ବିଳମ୍ବିତ ରାତିରେ ବୋମାମାଡ଼ ହୋଇଥିବା ଜଣାପଡ଼ିଛି ।ଶନିବାର ଅଲ୍ ଇଣ୍ଡିଆ ଛାତ୍ର କଂଗ୍ରେସ ଉପସ୍ଥିତିରେ ହୋଇଥିଲା ହଟ୍ଟଗୋଳ ।କୌଣସି କଥାକୁ ନେଇ ଯୁବ କଂଗ୍ରେସ ଏବଂ ଛାତ୍ର କଂଗ୍ରେସ ନେତାମାନେ ମୁହାଁମୁହିଁ ହୋଇଥିଲେ।

ପେଟ୍ରୋଲ ବୋମା ମାଡ଼ରେ କଂଗ୍ରେସ ଭବନର କିଛି କ୍ଷୟକ୍ଷତି ହୋଇ ନଥିବା ଜଣାପଡ଼ିଛି। ତେବେ ପେଟ୍ରୋଲ ବୋମା ମାଡ଼ରେ ନିକଟରେ ଥିବା ଗଛରେ ନିଆଁ ଲାଗି ଯାଇଥିଲା। ଘଟଣା ସଂପର୍କରେ ଖବର ପାଇ ପୋଲିସ ସେଠାରେ ପହଞ୍ଚିଥିଲା। ଅଗ୍ନିଶମ ବାହିନୀ ବି ଆସି ସେଠାରେ ପହଞ୍ଚିଥିଲେ ଓ ନିଆଁ ଲିଭାଇ ଥିଲେ। କଂଗ୍ରେସ ଭବନରେ ଗଣ୍ଡଗୋଳକୁ ନିନ୍ଦା କରିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ ।

www. socialnewsodiaofficial.blogspot.com