୯ ବର୍ଷୀୟା ନାବାଳିକାଙ୍କୁ ଦୁଷ୍କର୍ମ; ବିଂଝାରପୁର ଥାନା ସୟଦପୁର ପଞ୍ଚାୟତ ଅଞ୍ଚଳରେ ଏକ ଲଜ୍ଜାଜନକ ଘଟଣା ଦେଖିବାକୁ ମିଳିଛି, ଜନୈକା ୯ ବର୍ଷର ନାବାଳିକାଙ୍କୁ ୬୦ ବର୍ଷୀୟ ବୃଦ୍ଧ ଦୁଷ୍କର୍ମ କରିଥିବାର ଅଭିଯୋଗ- ଅଭିଯୁକ୍ତ ବୃଦ୍ଧ ଗିରଫ ।

28-JANUARY-2022

📌

BY: SRINIBASH ROUT

ନାବାଳିକାକୁ ଦୁଷ୍କର୍ମ ଅଭିଯୋଗରେ ୬୦ ବର୍ଷୀୟ ବୃଦ୍ଧ ଗିରଫ ।ଯାଜପୁର ଜିଲ୍ଲା ବିଞ୍ଝାପୁର ଥାନା ଅଞ୍ଚଳରେ ଏଭଳି ଲଜ୍ଜାଜନକ ଘଟଣା ଘଟିଛି ।୯ ବର୍ଷର ନାବାଳିକାକୁ ଅପହରଣ କରି ଦୁଷ୍କର୍ମ କରିବା ଅଭିଯୋଗରେ ବୃଦ୍ଧଙ୍କୁ ଗିରଫ କରିଛି ପୋଲିସ ।ପୀଡ଼ିତା ନାବାଳିକାଙ୍କୁ ପ୍ରଥମେ ବିଂଝାରପୁର ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ଓ ପରେ ଗୁରୁତର ହେବାରୁ ଯାଜପୁର ମୁଖ୍ୟ ଡାକ୍ତରଖାନାକୁ ନିଆଯାଇଛି। ସୂଚନାଯୋଗ୍ୟ ଯେ, ନାବାଳିକା ଜଣକ ସାଙ୍ଗମାନଙ୍କ ସହ ଗୁରୁବାର ୨୭ ତାରିଖ ଅପରାହ୍ନରେ ଘର ନିକଟରେ ଖେଳୁଥିଲା । ସନ୍ଧ୍ୟାରେ ଖେଳସାରି ନାବାଳିକା ସାଙ୍ଗମାନଙ୍କ ସହ ଘରକୁ ଫେରୁଥିବା ବେଳେ ପୀରାମହଲ୍ଲା ଗ୍ରାମର ସେକ୍ ବେସାରତ ନାମକ ଜଣେ ୫୭ବର୍ଷର ବୃଦ୍ଧ ବଜାରରୁ ଚକୋଲେଟ୍ ଆଣିବାକୁ କହି ନାବାଳିକାଙ୍କୁ ଗାଡ଼ିରେ ବସାଇ ନେଇଯାଇଥିଲା। ସଂଧ୍ୟାରୁ ରାତି ଯାଏ ନାବାଳିକା ଘରକୁ ନଫେରିବାରୁ ବହୁ ଖୋଜାଖୋଜି କରିଥିଲେ ପରିବାର ଲୋକ ।ଶେଷରେ ବେସାରତଙ୍କ ଘରୁ ନାବାଳିକାଙ୍କୁ ଠାବ କରାଯାଇଥିଲା ।ଗାଁଲୋକ ଅଭିଯୁକ୍ତ ବେସାରତକୁ ବିଞ୍ଝାରପୁର ଥାନାରେ ଜିମା ଦେଇଥିଲେ ।ନାବାଳିକାଙ୍କ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ ହୋଇଛି ।ଯାଜପୁର ଏସ୍.ପି ରାହୁଲ ପି. ଆର ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ତନାଘନା ତଦନ୍ତ କରିଛନ୍ତି ।ଅନ୍ୟପଟେ ଏହି ଘଟଣାରେ ପୋଲିସ କେଶ ନଂ ୪୫/୨୨ ଏବଂ ଧାରା ୩୭୬ ରୁଜୁ କରିବା ସହ ଅଭିଯୁକ୍ତ ସେକ ବେସାରତକୁ ଗିରଫ କରି ଆଜି ଅର୍ଥାତ୍ ଶୁକ୍ରବାର ୨୮ ତାରିଖ କୋର୍ଟ ଚାଲାଣ କରିଛି ପୋଲିସ ।

www. socialnewsodiaofficial.blogspot.com