ହାର୍ଡକୋର୍ ନକ୍ସଲ ନିହତ; ପୋଲିସ-ମାଓବାଦୀ ମୁହାଁମୁହିଁ ପୋଲିସ ଗୁଳିରେ ଜଣେ ହାର୍ଡକୋର୍ ନକ୍ସଲ ନିହତ ହୋଇଛି ଘଟଣା ସ୍ଥଳରୁ ବନ୍ଧୁକ ସହ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ, ସର୍ଚ୍ଚ ଅପରେସନ ଜାରି ।

 

30-JANUARY-2022

📌

BY: SRINIBASH ROUT

ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ସୁକମା ଜିଲ୍ଲାରେ ପୋଲିସ ଓ ନକ୍ସଲ ମଧ୍ୟରେ ଗୁଳି ବିନିମୟ ଘଟିଛି। ଏହି ଗୁଳି ବିନିମୟରେ ଜଣେ ନକ୍ସଲ ମୃତ୍ୟୁ ବରଣ କରିଥିବା ଜଣାପଡିଛି। ସୁକୁମା ଜିଲ୍ଲା ଚିନ୍ତଲନାର ଥାନା ଅନ୍ତର୍ଗତ ତିମାପୁରମ ଅଞ୍ଚଳରେ ମାଓ କ୍ୟାମ୍ପ ଚାଲିଥିବା ନେଇ ପୋଲିସକୁ ଗୁଇନ୍ଦା ସୂଚନା ମିଳିଥିଲା ।ଏହା ପରେ ଆଜି ଅର୍ଥାତ୍ ରବିବାର ୩୦ ତାରିଖ ଡିଆରଜି ବାହିନୀ ଓ କୋବ୍ରା ଯବାନଙ୍କ ପକ୍ଷରୁ ମିଳିତ କମ୍ବିଂ କରାଯାଇଥିଲା ।ତେବେ ଚିନ୍ତଲନର ନିକଟସ୍ଥ ତିମପୁରମ ନିକଟରେ ଆମ୍ବୁସ ଲଗାଇ ବସିଥିବା ନକ୍ସଲ ଯବାନଙ୍କ ଉପରେ ଅତର୍କିତ ଗୁଳି ଚଳାଇଥିଲେ। ଯବାନ ମଧ୍ୟ ପାଲଟା ଜବାବ ଦେଇଥିଲେ। ପ୍ରାୟ ଅଧଘଣ୍ଟା ଧରି ଗୁଳି ବିନିମୟ ହୋଇଥିଲା। ସେଠାରେ ନକ୍ସଲ ଯବାନଙ୍କ ଗୁଳିର ସାମ୍ନା କରିନପାରି ଜଙ୍ଗଲରେ ଛତ୍ରଭଙ୍ଗ ଦେଇଥିଲେ। ଘଟଣା ସ୍ଥଳରେ ଯବାନ ସର୍ଚ୍ଚ ଅପେରସନ କରୁଥିବା ସମୟରେ ଜଣେ ନକ୍ସଲ ଶବକୁ ଜବତ କରାଯାଇଛି। ଏବେ ବି ଯବାନ ସର୍ଚ୍ଚ ଅପରେସନ ଜାରି ରଖିଛନ୍ତି।

www. socialnewsodiaofficial.blogspot.com