ସରପଞ୍ଚଙ୍କ ଘର ନିକଟରେ ବୋମା ବିସ୍ଫୋରଣ; ପୁରୀ କାଶୀହରିପୁର ପଞ୍ଚାୟତରେ ନିର୍ବାଚନୀ ହିଂସା, ସରପଞ୍ଚ ପ୍ରାର୍ଥୀଙ୍କ ଘର ନିକଟରେ ବୋମା ବିସ୍ଫୋରଣ ହୋଇଥିବା ସୂଚନା ମିଳିଛି- ଘଟଣା ସ୍ଥଳରୁ ଏକ ଅଫୁଟା ବୋମା ଜବତ ।

 

27-JANUARY-2022

📌

BY: SRINIBASH ROUT

ସରପଞ୍ଚ ପ୍ରାର୍ଥୀଙ୍କ ଘର ନିକଟରେ ବୋମା ବିସ୍ଫୋରଣ ।ପୁରୀ ସଦର ଥାନା କାଶୀହରିପୁର ପଞ୍ଚାୟତ ସରପଞ୍ଚ ପ୍ରାର୍ଥୀଙ୍କ ଘର ପଛପଟେ ବା ଘର ନିକଟରେ ବୋମା ମାଡ଼ ହୋଇଛି ।ସରପଞ୍ଚ ପ୍ରାର୍ଥୀ ହେଉଛନ୍ତି କାର୍ତ୍ତିକ ପଣ୍ଡା ।କାର୍ତ୍ତିକ ଏନେଇ ଅଭିଯୋଗ କରିବା ପରେ ପୋଲିସ ଘଟଣା ସ୍ଥଳରେ ପହଁଞ୍ଚି ତଦନ୍ତ ଜାରି ରଖିଛି ।ସୂଚନା ଅନୁଯାୟୀ; ଆଜି ଅର୍ଥାତ୍ ଗୁରୁବାର ୨୭ ତାରିଖ ସକାଳ ପାଖାପାଖି ୧୦ଟାରେ ସରପଞ୍ଚ ପ୍ରାର୍ଥୀ କାର୍ତ୍ତିକ ପଣ୍ଡା ପୂଜା କରୁଥିଲେ ।ଏହି ସମୟରେ ତାଙ୍କ ଘର ବାଡ଼ିରେ ଏକ ବୋମା ବିସ୍ଫୋରଣ ହୋଇଥିଲା ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି ।କେହି ଆକ୍ରୋଶମୂଳକ ଭାବେ ଏପରି କାଣ୍ଡ କରିଥିବା ଅନୁମାନ କରାଯାଉଛି ।

ସେପଟେ ଘଟଣାରେ ପ୍ରାଥମିକ ତଦନ୍ତ ଆରମ୍ଭ ହୋଇଛି ।ତଦନ୍ତ ପରେ ଦୋଷୀ ବିରୁଦ୍ଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ପୁରୀ ଏସ୍.ପି କେ ବିଶାଳ ସିଂ । 

www. socialnewsodiaofficial.blogspot.com