ମହାପ୍ରଭୁଙ୍କ ଦର୍ଶନ କଲେ ପୋଲିସ ମହା ନିର୍ଦ୍ଦେଶକ; ନବ ନିଯୁକ୍ତ ପୋଲିସ ମହାନିର୍ଦ୍ଦେଶକ(ଡିଜିପି) ସୁନୀଲ କୁମାର ବଂଶଲ ଦାୟିତ୍ବ ନେବା ପରେ ପତ୍ନୀଙ୍କ ସହ ପ୍ରଥମେ ପୁରୀ ଶ୍ରୀମନ୍ଦିର ଗସ୍ତ କରି ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କଲେ ଡିଜିପି ।

 

03-JANUARY-2022

📌

BY: SRINIBASH ROUT

ନୂଆବର୍ଷରେ ଦାୟିତ୍ୱ ନେବା ପରେ ପ୍ରଥମେ ପତ୍ନୀଙ୍କ ସହ ଶ୍ରୀଜିଉଙ୍କୁ ଦର୍ଶନ କଲେ (ଡିଜିପି) ପୋଲିସ ମହାନିର୍ଦ୍ଦେଶକ ସୁନୀଲ କୁମାର ବଂଶଲ। ଜଗନ୍ନାଥଙ୍କ ଦର୍ଶନ କରିବାକୁ ତାଙ୍କର ବହୁତ ଇଚ୍ଛା ଥିଲା ।କାର୍ଯ୍ୟ ବ୍ୟସ୍ତରେ ସେ ଆସିପାରୁ ନଥିଲେ ।ମହାପ୍ରଭୁଙ୍କ ଇଚ୍ଛାରୁ ଏଠାରେ ନିଯୁକ୍ତି ପାଇ ମହାପ୍ରଭୁଙ୍କୁ ଦର୍ଶନ କରିବାର ସୁଯୋଗ ମିଳିଥିବା କହିଛନ୍ତି ଡିଜିପି ସୁନୀଲ କୁମାର ବଂଶଲ ।ଦର୍ଶନ କରି ବହୁତ ଖୁସି ଥିବା ସେ କହିଛନ୍ତି। ନୂଆବର୍ଷ ଅବସରରେ ରାଜ୍ୟବାସୀଙ୍କ ସୁଖ ସମୃଦ୍ଧି କାମନା କରିଥିବା ମଧ୍ୟ କହିଛନ୍ତି ଡିଜିପି ।ଆହୁରି ମଧ୍ୟ କହିଛନ୍ତି,ମହାପ୍ରଭୁଙ୍କ ଆଶୀର୍ବାଦ ରୁ ରାଜ୍ୟବାସୀଙ୍କୁ ସେବା କରିବାର ସୁଯୋଗ ମିଳିଛି। ସମସ୍ତଙ୍କ ସହଯୋଗରେ ବୈଷୟିକ ଜ୍ଞାନ କୌଶଳ ଉପଯୋଗ କରାଯାଇ ରାଜ୍ୟକୁ ଅପରାଧ ମୁକ୍ତ କରିବା ସହ ନିଶା କାରବାରକୁ ବନ୍ଦ୍ କରିବା ପାଇଁ ସ୍ବତନ୍ତ୍ର ବ୍ୟବସ୍ଥା କରାଯିବ ବୋଲି କହିଛନ୍ତି ଡିଜିପି ।

ଡିଜିପି ଶ୍ରୀମନ୍ଦିର ନିକଟରେ ପହଁଚିବା ପରେ ଶ୍ରୀମନ୍ଦିର ପ୍ରଶାସନ, କୌଳିକ ପଣ୍ଡାଙ୍କ ପକ୍ଷରୁ ସ୍ବାଗତ କରାଯାଇ ଶ୍ରୀମନ୍ଦିର ଭିତରକୁ ନିଆଯାଇଥିଲା ।ପ୍ରଥମେ ମହାପ୍ରଭୁଙ୍କ ଦର୍ଶନ ପରେ ଶ୍ରୀମନ୍ଦିରରେ ଥିବା ବିଭିନ୍ନ ଦେବାଦେବୀ ମନ୍ଦିର ବୁଲି ପୂଜାର୍ଚ୍ଚନା କରିଥିଲେ ଡିଜିପି ।

www. socialnewsodiaofficial.blogspot.com