5-T ସଚିବ ଭି.କେ. ପାଣ୍ଡିଆନ୍ ସ୍କୁଲ ପରିଦର୍ଶନ କଲେ; ଛାତ୍ର ଛାତ୍ରୀ ମାନଙ୍କୁ ଉନ୍ନତ ମାନର ଶିକ୍ଷା ଯୋଗାଇଦେବା ସହିତ ଉନ୍ନତି ମୂଳକ କାର୍ଯ୍ୟର କଲେ ସମୀକ୍ଷା ।

 

୧୯/୦୧/୨୦୨୧

ଭୁବନେଶ୍ୱର 📍

Editor by/- Srinibash Rout

(5T) ସଚିବ ଭି.କେ. ପାଣ୍ଡିଆନ୍ ରବିବାର (୧୭/୦୧/୨୦୨୧ ) ସକାଳୁ ବିଦ୍ୟାଳୟ ପରିଦର୍ଶନ କରିଛନ୍ତି । ରାଜଧାନୀର ୫ଟି ବିଦ୍ୟାଳୟ ବୁଲି ଦେଖିଛନ୍ତି 5T ସଚିବ । ଭୁବନେଶ୍ୱରର ୟୁନିଟ୍-୬, ୟୁନିଟ୍-୧, କ୍ୟାପିଟାଲ୍ ହାଇସ୍କୁଲ, ୟୁନିଟ୍-୯ ବାଳିକା ହାଇସ୍କୁଲ୍ ଓ ଆଇଆରସି ଭିଲେଜ ପରିଦର୍ଶନ କରିଛନ୍ତି । ଶିକ୍ଷକ ଓ ବିଦ୍ୟାଳୟ ପରିଚାଳନା କମିଟି ସଦସ୍ୟଙ୍କ ସହ ସ୍କୁଲର ସମସ୍ୟା ନେଇ ଆଲୋଚନା କରିଛନ୍ତି ।

ହାଇସ୍କୁଲରେ ଥିବା ସାଇନ୍ସ ଲାବ, ସ୍ମାର୍ଟ କ୍ଲାସରୁମ୍, ରାଇବ୍ରେରୀ ରିଡିଂ ରୁମ୍, ଖେଳ ସୁବିଧା ସହ ଦଶମରେ A1 ଗ୍ରେଡ୍ ପରୀକ୍ଷା ଫଳ ନେଇ 5T ସଚିବ ପାଣ୍ଡିଆନ୍ ଆଲୋଚନା କରିଛନ୍ତି । ହାଇସ୍କୁଲ୍ ଗୁଡ଼ିକରେ ଏବେ ଥିବା ଭିତ୍ତିଭୂମି ଏବଂ କଣ କରାଗଲେ ଏଥିରେ ସୁଧାର ଆସିପାରିବ ସେନେଇ ନେଇ 5T ସଚିବ ପାଣ୍ଡିଆନ୍ ସ୍କୁଲ୍ କର୍ତ୍ତୃପକ୍ଷଙ୍କ ସହ କଥା ହୋଇଛନ୍ତି ।

ଏଥିସହ ସ୍କୁଲରେ ମୋ ସ୍କୁଲ କାର୍ଯ୍ୟକ୍ରମ କିଭଳି ଚାଲିଛି ଏବଂ ଏହାର ପ୍ରଭାବ କିଭଳି ସେ ନେଇ ଆଲୋଚନା କରିଛନ୍ତି 5T ସଚିବ ପାଣ୍ଡିଆନ୍ ।

ବିଦ୍ୟାଳୟରେ କିଭଳି ସାମଗ୍ରିକ ଭିତ୍ତିଭୂମିରେ ସୁଧାର ଅଣାଯିବ । ଛାତ୍ରଛାତ୍ରୀଙ୍କୁ ଶିକ୍ଷା ଗ୍ରହଣ ଲାଗି ଅନୁକୂଳ, ପ୍ରେରଣାଦାୟୀ, ବୈଜ୍ଞାନିକ ଶୈଳୀରେ ଶିକ୍ଷା ଉପରେ 5T ସଚିବ ଭି.କେ ପାଣ୍ଡିଆନ୍ ଗୁରୁତ୍ୱାରୋପ କରିଛନ୍ତି । 5T ସଚିବଙ୍କ ବିଦ୍ୟାଳୟ ପରିଦର୍ଶନ ବେଳେ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ଉପସ୍ଥିତ ଥିଲେ ।