ସହିଦ୍ ଯବାନ ସୈନିକ କର୍ଣ୍ଣେଲ ସନ୍ତୋଷ ବାବୁ ମହାବୀର ଚକ୍ର ଲାଗି ମନୋନୀତ ।

 

26/01/2021

Editor by/- Srinibash Rout

ପୂର୍ବ ଲଦାଖର ଗଲୱାନ୍ ଉପତ୍ୟକାରେ ଗତ ବର୍ଷ ଜୁନରେ ଚୀନ୍ ସୈନିକମାନଙ୍କ ସହିତ ସାହସର ସହ ଲଢ଼ି ସହିଦ ହୋଇଥିବା ଯବାନମାନଙ୍କୁ ବୀରତା ସମ୍ମାନରେ ସମ୍ମାନିତ କରାଯିବ । ଏହି ସଂଘର୍ଷରେ ସହିଦ ହୋଇଥିବା କର୍ଣ୍ଣେଲ ସନ୍ତୋଷ ବାବୁଙ୍କୁ ମହାବୀର ଚକ୍ର ଲାଗି ମନୋନୀତ କରାଯାଇଛି ।

ସନ୍ତୋଷ ବାବୁଙ୍କ ସହ ଅନ୍ୟ ଗଲୱାନ ସଂଘର୍ଷରେ ବୀରତାର ସହ ଲଗି ଦେଶ ଲାଗି ପ୍ରାଣବଳି ଦେଇଥିବା ପାଚଂଜଣ ଯବାନଙ୍କୁ ମଧ୍ୟ ମରଣୋତର ଭାବେ ସାମରିକ ସମ୍ମାନ ପ୍ରଦାନ କରାଯିବାକୁ ଘୋଷଣା କରାଯାଇଛି । ଗଲୱାନ୍ ଉପତ୍ୟକାରେ ସହିଦ ହୋଇଥିବା ନାଏବ ସୁବେଦାର ନୁଡୁରାମ ସୋରେନ, ହାବିଲଦାର କେ ପିଲାନି, ହାବିଲଦାର ତେଜେନ୍ଦ୍ର ସିଂ, ନାୟକ ଦୀପକ ସିଂ ଏବଂ ସିପାହୀ ଗୁରତେଜ ସିଂଙ୍କୁ ବୀରତା ପଦକ ଦିଆଯିବ । ସେହିପରି କାଶ୍ମୀର ଉପତ୍ୟକାରେ ଉଲ୍ଲେଖନୀୟ କାର୍ଯ୍ୟ ପାଇଁ ସହିଦ ହୋଇଥିବା ମେଜର ଅନୁଜ ସୁଦଙ୍କୁ ସୌର୍ଯ୍ୟ ଚକ୍ର ପ୍ରଦାନ କରାଯିବ । ମେ ୨୦୨୦ରେ ଆତଙ୍କବାଦୀଙ୍କ ସହ ଏନକାଉଂଟରରେ ଅନୁଜ ସହିଦ ହୋଇଥିଲେ । ସେହିପରି ସୁବେଦାର ସଂଜୀବ କୁମାରଙ୍କୁ କୀର୍ତି ଚକ୍ର ପ୍ରଦାନ ପାଇଁ ଘୋଷଣା କରାଯାଇଛି । ଏପ୍ରିଲ ୪, ୨୦୨୦ରେ ଆତଙ୍କବାଦୀଙ୍କ ସହ ମୁହାଁମୁହିଁ ହୋଇଥିବା ବେଳେ ସେ ସହିଦ ହୋଇଥିଲେ ।

WWW.SOCIALNEWSODIA.INFO